 | ||
| RPC MLOWOLA |
Na Elia MIgogo Mwanza
Watu wanne wameuawa alfajiri ya leo katika kata ya BUHONGWA wilaya ya Nyamagana, kitongoji cha IGWAMBITI, watu hao wanasadikiwa kuwa ni wezi wa ng’ombe, ingawa hadi taarifa hizi zikiwa zimemfikia kamanda wa polisi hakuna aliyekuwa ameijtokeza kudai kuibiwa ng’ombe hao.
Kamanda wa polisi mkoa wa Mwanza Valentino Mlowola amewataja watu waliouawa kuwa ni EZEKIEL LUKAS , KUSEKWA LUKAS hawa wote ni ndugu wa familia moja, pamoja na MASUMBUKO KISINZA, hawa watatu walifariki papo hapo.
Mwingine alifariki akiwa katika hospitali ya rufaa ya Bugando ni MAFISI MWITA yeye alikuwa muuzaji wa nyama katika bucha iliyopo Buhongwa center.
Mauaji hayo yamefanywa na wananchi walioitikia kelele za yowe (MWANO) kutoka kwa kundi la watu waliokuwa wanatokea kata tatu BUHONGWA , MKOLANI, na USAGARA, huku wakiwa na mmoja wa watuhumiwa ambaye inadaiwa ndiye aliyetumika kuwatambua washirika wenzake katika wizi huo,