Jeshi la polisi mkoani Iringa linawashikilia watuhumiwa kumi na moja na mwingine mmoja anatafutwa katika matukio matatu tofauti likiwemo la mtuhumiwa mmoja kumlawiti mwanafunzi wa miaka sita na kumsababishia maumivu makali.
Akizungumza na mtandao huu wa www.matukiodaima.com, ofisini kwake Kaimu Kamanda wa polisi mkoa wa Iringa ACP Wankyo Nyigesa alithibitisha kutokea kwa tukio hilo lililotokea mnamo tarehe 18 machi majira ya saa 7 kamili mchana maeneo ya kwenye korongo la Mabambakata ya malengamakali iliyopo katika tarafa ya Isimani wilaya ya Iringa Vijijini.
Kamanda Wankyo alisema mtoto huyo ambaye anasoma chechea jina la shule linahifadhiwa aliweza kumtambua mtuhumiwa kwa sura tu, hata hivyo mtuhumiwa anatafutwa na polisi.
Aidha tukio lingine, Jeshi la polisi mkoani Iringa limewakamata Waethiopia kumi kwa kosa la kuingia Nchini bila kibali.
Tukio hilo lilitokea mnamo tarehe 19 machi majira ya saa 1 kamili asubuhi katika kitongoji cha Gezaulole kilichopo katika kijiji cha Ruaha Mbuyuni wilaya ya Kilolo.
Tukio lingine Wankyo alisema askari polisi wakiwa dorio maeneo ya Aljazira walimkamata Abuu Kinyika (28) mkazi wa Ruaha Mbuyuni akiwa na misokoto 12 ya bhangi kwenye mfuko wa suruali.