Mtu mmoja aliyefahamika kwa jina la Erick Mgohamwende (25) mwendesha bodaboda na mkazi wa Kijiji cha Mwenda kilichopo mkoani Iringa amefariki dunia baada ya kuligonga lori kwa nyuma.
Akizungumza na mtandao huu wa www.matukiodaima.com ofisini kwake, Kaimu Kamanda wa polisi mkoani Iringa ACP Wankyo Nyigesa alithibitisha kutokea kwa tukio hilo lililotokea mnamo tarehe 25 machi majira ya saa 1:30 jioni huko maeneo ya Tanangozi iliyopo Wilaya ya Iringa Vijijini katika barabara kuu ya Iringa - Mbeya.
Kamanda alisema marehemu alikuwa akiendesha pikipiki aina ya Sanlg yenye namba za usajili T.674 BH ambapo aliligonga lori aina ya Scania lenye namba za usajili T.859 AXX likiwa na tela lenye namba za usajili T.513 BWW lililokuwa limeegeshwa pembeni mwa barabara hiyo na kufariki dunia papo hapo.
Hata hivyo Wankyo alisema chanzo cha ajali hiyo ni mwendokasi wa dereva wa pikipiki, mwili wa marehemu umehifadhiwa kwenye Hospitali ya Mkoa Iringa.